www.ima.uz O'ZBEKISTON RESPUBLIKASI
INTELLEKTUAL MULK AGENTLIGI
Don tozalash mashinasi
17
октябрь
2016
Don tozalash mashinasi
   Qishloq xo’jaligini mexanizatsiyalash va elektrlashtirish ilmiy tadqiqot instituti xodimlari don tozalash mashinasini ixtiro qildilar. Ushbu ixtiro qishloq xo’jaligi mashinasozligida qo’llanilib, don tozalash sifatini oshirishga imkon beradi. Don tozalash mashinasi tarkibiga yuklovchi moslama, havo kanali, ustki va pastki g’alvirlarga ega bo’lgan hamda parrakli va artuvchi valiklar bilan ta'minlangan yarusli panjarali stanlar kiradi. Yuklovchi moslama tagida uzatuvchi g’o’la o’rnatilgan bo’lib, uning elastik materialdan bajarilgan ishchi yuzasida shaxmat tartibida chuqurchalar joylashtirilgan.
«Umumiy psixologiya» elektron darsligi
14
октябрь
2016
«Umumiy psixologiya» elektron darsligi
   Nizomiy nomidagi Toshkent Davlat pedagogika universiteti xodimlari "Umumiy psixologiya" elektron darsligini yaratdilar. "Umumiy psixologiya" elektron multimediali darslik oliy o’quv yurtlarining bakalavr ta'lim yo’nalishi uchun mo’ljallangan bo’lib, psixikaning rivojlanish qonuniyatlari, miya va psixika, shaxs xususiyatlari, xususan xarakter, temperament, qobiliyatlarning psixologik xususiyatlari bo’yicha talabalarning bilim, ko’nikma va malakalarini rivojlantirish imkonini beradi. Elektron darslik o’quv qo’llanma, o’quv taqdimotlar, izohli lug’at, fotolavhalar, illyuziyalar va test topshiriqlaridan iborat. 
O’tga chidamli polimer kompozitsiya
13
октябрь
2016
O’tga chidamli polimer kompozitsiya
   Abu Rayxon Beruniy nomidagi Toshkent davlat texnika universiteti хodimlari o’tga chidamliligi yuqori bo’lgan polimer kompozitsiyani ixtiro qildilar. Mazkur ixtiro o’tga chidamliligi yuqori bo’lgan KF-MT markali karbamid-formaldegid smolasi asosida polimer kompozitsiyalarni olish usuliga tegishli bo’lib, unda ushbu smola tarkibiga yonish ingibitori sifatida Markaziy Qizilqum fosforitlari asosida olingan va vazniy nisbati 1:1 bo’lgan ortofosfor kislotani tutgan epixlorgidrinning o’z-o’zidan polimerizatsiyalanadigan mahsuloti kiradi. Uning vazifasi makromolekulasida ularga o’tga chidamlilik xususiyatlarini baxsh etish uchun zarur bо’lgan xlor, azot va fosfor organik guruhlari bo’lgan oligomer yonish ingibitorlarini olishdan iborat.
Tutashmasiz rels zanjiri qurilmasi
12
октябрь
2016
Tutashmasiz rels zanjiri qurilmasi
   Toshkent temir yo’l muhandislari instituti xodimlari tutashmasiz rels zanjiri qurilmasini ishlab chiqdilar. Mazkur foydali model temir yo’l texnikasi, poezdlar harakatini boshqarish uchun temir yo’l avtomatikasi va telemexanikasi sistemalari uchun mo’ljallangan. Tutashmasiz rels zanjiri qurilmasi yo’l uchastkalari holati nazoratining ishonchliligini va poezdlar harakati xavfsizligini oshiradi.
Agentlik vakili
10
октябрь
2016
Agentlik vakili "Shaxsiy biznesni qanday ochish kerak" nomli uchrashuvda qatnashdi
   2016 yilning 7 oktyabr kuni Toshkentdagi Xalqaro Vestminster universitetida startaplar rahbarlari ishtirokida "Shaxsiy biznesni qanday ochish kerak" nomli uchrashuv bo'lib o'tdi. Unda loyihalar startaplarining ishni endi boshlayotgan yosh vakillari ishtirok etdilar. Uchrashuv O'zbekiston Savdo-sanoat palatasi (SSP) tomonidan O'zbekistonda BMT Rivojlanish dasturi hamkorligida (UNDP) tashkil qilindi hamda o'z innovasion startapini boshlashni yoki tadbirkorlik sohasida o'z imkoniyatldarini amalga oshirishni rejalashtirayotgan oliy ta'lim muassasalari vakillari va talabalar uchun mo'ljallangan edi. Ushbu uchrashuvda O'zbekiston respublikasi intellektual mulk agentligi xodimi eskpert sifatida qatnashdi. 
Sog’lom turmush tarzini shakllantirish va statistika bo’yicha masofaviy ravishda malaka oshirish dasturi
07
октябрь
2016
Sog’lom turmush tarzini shakllantirish va statistika bo’yicha masofaviy ravishda malaka oshirish dasturi
   O’zbekiston vrachlar assotsiatsiyasi va Salomatlik va tibbiy statistika instituti хodimlari sog’lom turmush tarzini shakllantirish va statistika bo’yicha masofaviy ravishda malaka oshirish dasturini yaratdilar. Dastur vrachlarni masofaviy ravishda malakasini oshirish uchun mo’ljallangan. Dastur masofaviy malaka oshirish qatnashchilarini ro’yxatdan o’tkazish, o’quv dasturlari bilan tanishtirish, portfolio orqali malaka oshirish natijalarini kuzatib borish, testlarni yechish bo’yicha vaqtni belgilash, test natijalarini ekranga chiqarib berish va test natijalarini saqlash imkonini beradi. Sog’lom turmush tarzini shakllantirish va statistika qilish bo’yicha masofadan o’qitish jarayoni onlayn rejimida amalga oshiriladi. Dastur yakunida onlayn rejimida o’qigan tinglovchilarining ro’yxati test natijalari bilan chiqarib beriladi. 
Orqaga 1 ... 4 5 6 7 8 9 10 11 12 ... 23 Oldinga
Murojaat uchun

100000, Toshkent sh. Mustaqillik ko'chasi 59
Telefon: + (998 71) 232-50-50 | Faks: + (998 71) 232-50-05 | Е-mail: info@ima.uz
Materiallarni chop etishda yoxud ularni tarqatishda O'zbekiston Respublikasi intellektual mulk agentligi rasmiy veb-saytiga havola ko'rsatilishi shart!
©2011 – 2016, O'zbekiston Respublikasi intellektual mulk agentligi rasmiy veb-sayti
Barcha huquqlar himoyalangan.
So'nggi yangilanish:
 Mehmonlar: 7
Hozir saytda: 8